Бәхетнең тәме нинди? Әгәр сездән сорасалар, ничек җавап бирер идегез?
Безнең геройлар өчен бәхет тәме — ул иртәнге сәхәрдә пешерелгән ипи исе, ул — кояш баюны көтеп, беренче мәртәбә «Бисмилләһ» дип авыз ачу шатлыгы, ул — тәравих намазыннан соң күңелгә иңгән тынычлык.
«Бәхет тәме» тапшыруының бүгенге чыгарылышында кунакта: Г. Кариев исемендәге Казан Татар дәүләт яшь тамашачы театры актёры, Татарстанның атказанган артисты — Илнар Низамиев һәм Г. Кариев исемендәге Казан Татар дәүләт яшь тамашачы театры актрисасы, Татарстанның атказанган артисты — Лилия Низамиева.