Ураза тоту — изге гамәл. Ә беренче ураза — ул гомерлек истәлек.
Яңа тапшыруыбыз да «Минем беренче ураза» дип атала. Без геройларыбыздан: «Сезнең беренче уразагыз ничек узды?» — дип сорадык. Аларның җаваплары, хатирәләре — төрле: кемнеңдер сусаудан авызы кипкән, кемдер тәүге тапкыр әбисе янына ифтарга ашыккан, ә кемдер беренче тапкыр намаз укып, күз яшьләрен тыя алмаган.
Бу тапшыру — ихласлык, сагыну һәм иман турында. Ә сезнең беренче уразагыз ничек узды?